.jpg)
.gif)
.gif)
काठमाडौं- सानिमा बैंक लिमिटेड र स्ट्यान्डर्ड चार्टर्ड बैंक भारतले भारतीय रुपैयाँको बाह्य भुक्तानी कारोबारलाई सहज बनाउन अत्याधुनिक एपीआई मा आधारित नयाँ भुक्तानी प्रणाली सुरु गरेका छन्।
.gif)
यो साझेदारीसँगै सानिमा बैंक स्ट्यान्डर्ड चार्टर्ड बैंक भारतसँग सीमापार भुक्तानीका लागि एपीआई कनेक्टिभिटी स्थापना गर्ने नेपालकै पहिलो बैंक बन्न सफल भएको हो।
.gif)
.gif)
यस नवप्रवर्तनकारी एपीआईमा आधारित भुक्तानी प्रणालीको सुरुवात भएसँगै अब पुराना परम्परागत म्यानुअल तथा ब्याचमा आधारित झन्झटिला प्रक्रियाहरू पूर्ण रूपमा हट्नेछन्।
त्यसको सट्टामा अब सम्पूर्ण इकोसिस्टम स्वचालित भई वास्तविक समयमै भुक्तानी सम्पन्न हुनेछ । यसैगरी आगामी दिनमा यी दुई बैंकबीच एपीआईमार्फत नै अमेरिकी डलर भुक्तानीका लागि समेत समझदारी हुने तयारी भइरहेको छ, जसले सीमापार वित्तीय सहकार्यमा एउटा महत्वपूर्ण कोसेढुंगाको काम गर्ने विश्वास लिइएको छ ।
यस नयाँ पहलका बारेमा बोल्दै सानिमा बैंकका प्रमुख वित्तीय अधिकृत (सीएफओ) निरज ढकालले यो कदम सीमापार बैंकिङ सेवालाई नवीन, सरल, छिटो र भरपर्दो बनाउने बैंकको प्रतिबद्धताको एउटा निरन्तरता भएको बताए। उनका अनुसार यो प्रविधिले नेपाल र भारतबीचको वित्तीय कारोबारलाई छिटो, सहज र सुरक्षित बनाउनुका साथै ग्राहकहरूको अनुभवमा समेत उल्लेख्य सुधार ल्याउनेछ।
त्यस्तै, स्ट्यान्डर्ड चार्टर्ड बैंक नेपालका हेड अफ फाइनान्सियल इन्स्टिच्युसन राजकमल बस्नेतले यो साझेदारी स्ट्यान्डर्ड चार्टर्ड बैंकको अन्तर्राष्ट्रिय सीमापार विज्ञता र सानिमा बैंकको प्रविधिमैत्री प्रयासको एउटा सुन्दर संगम भएको उल्लेख गरे। उनले यस प्रविधिले अन्तर्राष्ट्रिय कारोबारको प्रक्रियामा लाग्ने समय र लागतलाई घटाउने, वित्तीय पारदर्शिता बढाउने तथा समग्र दक्षता, सुरक्षा र कानुनी अनुपालनलाई अझ सुदृढ बनाउने कुरा स्पष्ट पारे।
