.jpg)
.gif)
.gif)
काठमाडौं- ग्लोबल आईएमई बैंक लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण सार्वजनिक गरेको छ। विवरणअनुसार बैंकको खुद नाफा र प्रतिसेयर आम्दानी दुबै गत आर्थिक वर्षको सोही अवधिको तुलनामा बढेको छ।
.gif)
बैंकले चालु आर्थिक वर्षको पहिलो तीन महिनामा १ अर्ब ८५ करोड ५८ लाख रुपैयाँ खुद नाफा कमाएको छ, जुन गत वर्षको सोही अवधिको १ अर्ब ५१ करोड २१ लाख रुपैयाँको तुलनामा २२.९२ प्रतिशतले बढी हो।
.gif)
.gif)
बैंकको खुद नाफा वृद्धि मुख्यत: खुद ब्याज आम्दानी र सञ्चालन मुनाफा बढेसँगै भएको हो। समीक्षा अवधिमा खुद ब्याज आम्दानी ०.३४ प्रतिशत र खुद फि तथा कमिसन आम्दानी २.६२ प्रतिशतले वृद्धि भएको छ। त्यस्तै कुल सञ्चालन आम्दानी ५.३६ प्रतिशत र सञ्चालन मुनाफा १०.४४ प्रतिशतले बढेको छ।
बैंकको वितरणयोग्य मुनाफा पनि ४ अर्ब ८४ करोड ९५ लाख रुपैयाँ पुगेको छ भने वितरणयोग्य प्रतिसेयर आम्दानी २२ रुपैयाँ ९५ पैसा रहेको छ।
समीक्षा अवधिमा प्रतिसेयर आम्दानी २ रुपैयाँ ७७ पैसा बढेर १९ रुपैयाँ ५१ पैसा पुगेको छ। असोज मसान्तसम्म बैंकको प्रतिसेयर नेटवर्थ १७९ रुपैयाँ ५० पैसा र मूल्य-आम्दानी अनुपात १२.१० गुणा रहेको छ।
बैंकको चुक्ता पूँजी ३८ अर्ब ११ करोड रुपैयाँ रहेको छ भने जगेडा कोषमा ३० अर्ब ३० करोड रुपैयाँ सञ्चित छ। असोज मसान्तसम्म बैंकले ५ खर्ब ८२ अर्ब रुपैयाँ निक्षेप संकलन गरी ४ खर्ब २१ अर्ब रुपैयाँ कर्जा प्रवाह गरेको छ।
