.jpg)
.gif)
.gif)
गोरखा- मनास्लु क्षेत्रमा गत शुक्रबार पहिरोमा पुरिएकी एक विदेशी महिला पर्यटक भेटिएकी छैनन्।
.gif)
मनास्लु भ्रमणबाट फर्कँदै गर्दा गत शुक्रबार चुमनुब्री-३ न्याकफेदीनजिकै पहिरोमा पुरिएकी चेक रिपब्लिककी ५४ वर्षीया क्याटरिना रास्कोभा सोमबार दिउँसोसम्म फेला नपरेको जिल्ला प्रहरी कार्यालय गोरखाले जनाएको छ।
.gif)
.gif)
नेपाली सेना, नेपाल प्रहरी, सशस्त्र प्रहरी र स्थानीयवासीको संयुक्त टोलीले लगातार खोज्दा पनि फेला पार्न नसकिएको प्रहरी नायब उपरीक्षक राजकुमार श्रेष्ठले बताए।
ठाउँठाउँमा झरेको पहिराका कारण उद्धारकर्ता शुक्रबार र शनिबार घटनास्थलसम्म पुग्न सकेका थिएनन्। पहिरो पन्छाउँदै सो टोली आइतबार घटनास्थल पुगेको थियो। सँगै पदयात्रामा गएका उनका श्रीमान् र पथप्रदर्शकले भने भागेर ज्यान बचाएका थिए। रासस
