.jpg)
.gif)
.gif)
काठमाडौं- जेनजी आन्दोलनका क्रममा आगजनीबाट क्षति पुगेको यातायात व्यवस्था विभागले आंशिक रुपमा सवारी चालक अनुमतिपत्र र सवारी दर्तासम्बन्धी काम सुरु भएको जनाएको छ।
.gif)
भदौ २४ गते भएको आगजनीका क्रममा यातायात व्यवस्था विभागको सर्भरलगायत सबै जलेको थियो। यसरी आगजनी भएसँगै विभागबाट हुने विद्युतीय सवारी चालक अनुमतिपत्र र सवारी दर्तालगायत काम रोकिएको थियो।
.gif)
.gif)
डेटा रिकभरलगायत काम गरेसँगै विभागले आइतबार अर्थात कात्तिक १६ गतेबाट उपत्यकाका यातायात व्यवस्था कार्यालयहरुमा लाइसेन्स र सवारी दर्तासम्बन्धी काम आंशिकरुपमा सुरु भएको जनाएको छ।
अन्य यातायात व्यवस्था कार्यालयहरुमा विद्युतीय सवारी चालक अनुमतिपत्र र सवारी दर्ता प्रणाली र भीआरएस सञ्चालन गर्नका लागि प्रणाली परीक्षणको कार्य भइरहेकाले क्रमशः देशभरका कार्यालयबाट सेवा दिँदै जाने विभागले जनाएको छ।
साथै विभागले अन्य यातायात व्यवस्था कार्यालयहरुलाई आवश्यक पर्ने नेटवर्किङ, वायोमेट्रिक्सलगायत उपकरण तयारी अवस्थामा राख्न र विभागसँग नियमित सम्पर्कमा रही सेवा व्यवस्थापन गर्न आग्रह गरेको छ।
