.jpg)
.gif)
.gif)
काठमाडौं- अमेरिकी केन्द्रीय बैंक (फेडरल रिजर्भ) ले यस वर्ष फेरि ब्याजदर घटाउने सम्भावनामा देखिएको अनिश्चितताका कारण शुक्रबार अन्तर्राष्ट्रिय बजारमा सुनको मूल्य १ प्रतिशतले घटेको छ। यद्यपि, सुन लगातार तेस्रो महिनासम्म वृद्धिको दिशामा रहने सम्भावना कायम रहेको रोयर्टर्सले जनाएको छ।
.gif)
स्पट गोल्डको मूल्य शुक्रबार अपराह्न १:४९ बजे सम्ममा ०.६ प्रतिशतले घटेर प्रति औंस ४,००१.७४ अमेरिकी डलरमा पुगेको थियो। यस महिनाभरमा भने सुनको मूल्य करिब ३.७ प्रतिशतले बढ्ने देखिएको छ।
.gif)
.gif)
डिसेम्बर डेलिभरीका लागि अमेरिकी गोल्ड फ्युचर्स ०.५ प्रतिशतले घटेर प्रति औंस ३,९९६.५ डलरमा बन्द भएका छन्।
यसैबीच, अमेरिकी डलर इन्डेक्स तीन महिनाको उच्चस्तर नजिक रहँदा अन्य मुद्राका धारकहरूका लागि डलरमा मूल्यांकन गरिएको सुन अझ महँगो बनेको छ।
फेडरल रिजर्भ बैंक अफ क्लीभल्यान्डकी अध्यक्ष बेथ ह्याम्याकले शुक्रबार भनेकी छन् कि उनले यस साता ब्याजदर घटाउने निर्णयको विरोध गरेकी थिइन्। उनका अनुसार मुद्रास्फीति नियन्त्रणका लागि फेडले अझै केही समय कडाइ कायम राख्नुपर्नेछ।
'ह्याम्याकले सुन बजारमा दबाब सिर्जना गरेकी छन्, किनभने उनले ब्याजदर घटाउने विरोध गर्ने तेस्री क्षेत्रीय फेड अध्यक्ष बनेकी छन्। यो देखाउँछ कि बजारले ब्याजदर घटाउने अपेक्षा अत्यधिक राखेको थियो,'स्वतन्त्र धातु व्यापारी ताइ वोंगले भने।
फेडले यसै साता ब्याजदर घटाएको भए पनि, अध्यक्ष जेरोम पावेलका ‘हकिश’ भनाइपछि अब बजारले डिसेम्बरमा थप ब्याजदर घट्ने सम्भावना ९० प्रतिशतबाट घटाएर करिब ६३ प्रतिशत मात्र रहेको आँकलन गरेको छ।
