.jpg)
.gif)
.gif)
काठमाडौं- चालु आर्थिक वर्ष २०८२/०८३ को तीन महिना (साउनदेखि असोज) मै निर्यात ८९.६४ प्रतिशतले बढेको छ। तीन महिनाको अवधिमा ७२ अर्ब ७८ करोड २८ लाख ५ हजार रूपैयाँ बराबरको वस्तु नेपालबाट विश्वका विभिन्न देश पुगेको छ।
.gif)
गत आर्थिक वर्ष २०८१/०८२ को पहिलो ३ महिनामा ३८ अर्ब ७३ करोड ८७ लाख १७ हजार रूपैयाँ बराबरको सामान निर्यात भएको थियो।
.gif)
.gif)
भन्सार विभागले सार्वजनिक गरेको तथ्यांकअनुसार आयात भने १९.७९ प्रतिशतले बढेको छ। तीन महिनामा नेपालले ४ खर्ब ६८ अर्ब ८ करोड ३३ लाख २१ हजार रूपैयाँ बराबरको सामान आयात गरेको छ।
गत वर्षको सोही अविधिमा ३ खर्ब ९० अर्ब ७५ करोड २३ लाख २१ हजार रूपैयाँ बराबरको सामान आयात भएको थियो।
समग्रमा वैदैशिक व्यापार २६.०४ प्रतिशतले बढेको छ। चालु आवको ३ महिनामा नेपालले कुल ५ खर्ब ४० अर्ब ८६ करोड ६१ लाख २६ हजार रूपैयाँ बराबरको वैदेशिक व्यापार गरेको छ।
गत वर्षको सोही अविधमा ४ खर्ब २९ अर्ब १३ करोड १० लाख ३८ हजार रूपैयाँ बराबरको व्यापार गरेको थियो।
व्यापार घाटा पनि १२.१८ प्रतिशतले बढेको छ। चालु आवको तीन महिनाको व्यापार घाटा ३ खर्ब ९५ अर्ब ३० करोड ५ लाख १६ हजार रूपैयाँ रहेको छ।
गत वर्षको सोही अविधिको व्यापार घाटा ३ खर्ब ५२ अर्ब ३७ करोड ३६ लाख ४ हजार रूपैयाँ रहेको थियो।
