.jpg)
.gif)
.gif)
काठमाडौं- नेपाल पञ्चांग निर्णायक विकास समितिले यस वर्षको भाइटीकाको उत्तम साइत बिहान ११ः३९ बजे रहेको जनाएको छ। कात्तिक ६ गते बिहीबार बिहान ११ः३९ बजे टीका लगाउने उत्तम साइत रहेको समितिले सार्वजनिक गरेको हो।
.gif)
समितिका अनुसार कात्तिक ६ गते बिहीबारको मध्याह्नकालमा टीका लगाउन कुनै बाधा नपरे पनि साइत खोज्नेका लागि धनु लग्न, कन्या नवमांश, चर बेला, अभिजित योग र विजय मुहूर्तको शुभ संयोग रहनेछ।
.gif)
.gif)
यस वर्षको यमपञ्चक कात्तिक १ गते शनिबारदेखि सुरु भएको हो। कात्तिक २ गते आइतबार काग तिहार मनाइयो, सोही दिन धनवन्तरी जयन्ती पनि परेको थियो। त्यसपछिको कात्तिक ३ गते सोमबार बिहान नरक स्नानसहित कुकुर तिहार र बेलुकी लक्ष्मीपूजा सम्पन्न भयो।
गाई, गोरू र आत्म (म्ह) पूजा कात्तिक ५ गते बुधबार मनाइयो। आज कात्तिक ६ गते बिहीबार भाइपूजा, नेवार समुदायमा ‘किजा पूजा’ समेतका रूपमा मनाइँदैछ।
समितिले भाइटीका शुभ मुहूर्तका साथ भाइबहिनीबीचको प्रेम, स्नेह र पारिवारिक एकताको पर्व शुभ रहोस् भन्ने शुभकामना पनि व्यक्त गरेको छ।
