.jpeg)
.jpg)
.jpg)
.gif)
.gif)
काठमाडौं- गतआर्थिक वर्ष २०८०/०८१ मा वैदेशिक रोजगारीका लागि नेपालबाट विश्वका विभिन्न देश जान अन्तिम श्रम स्वीकृति लिनेको संख्या ७ लाख ४१ हजार ३ सय २ रहेको छ। जसमा पुरुष कामदारको संख्या ६ लाख ६१ हजार १ सय ३० र महिला कामदार ८० हजार १ सय ७२ जना रहेका छन्।
.gif)
यसलाई नै सरकारले वैदेशिक रोजगारीमा जाने संख्यामा गणना गर्दै आएको छ। वैदेशिक रोजगार विभागका अनुसार यसमा सबैभन्दा बढी युवाको रोजाइको गन्तव्य यूएई रहेको छ। गत वर्षमा रोजगारीका लागि बाहिरिने युवामध्ये करिब २६.१ प्रतिशत युवाको रोजाइमा यूएई रहेको छ।
.gif)
.gif)
अघिल्लो आर्थिक वर्ष २०७९/०८० मा यूएई जाने कामदारको संख्या १ लाख १६ हजार १ सय ५९ थियो। तर गत आवमा भने यूएई जाने कामदारको संख्या १ लाख ९३ हजार ४ सय ३९ रहेको थियो।
यसैगरी दोस्रो रोजाइमा साउदी अरब रहेको छ। गत आवमा साउदी अरब जाने कामदारको संख्या १ लाख ४१ हजार ५ सय ६२ जना रहेको छ।
यसैगरी कतार जाने कामदारको संख्या १ लाख ३४ हजार ६ सय ७१ र मलेसिया जाने कामदारको संख्या १ लाख ३ हजार ४ सय ४३ जना छ।
अहिले मलेसिया जाने कामदारको संख्यामा ठूलो गिरावाट आएको हो। अघिल्लो आवको १२ महिनामा नेपालबाट मलेसियाको रोजगारीमा जाने कामदारको संख्या २ लाख ५९ हजार ५ सय ९४ थियो। अघिल्लो आवमा नै मलेसिया युवाको पहिलो रोजाइमा परेको थियो।
असारमा नेपालबाट १ हजार ४ सय ६४ जना कामदार मलेसिया पुगेका छन्। त्यसमा नयाँ कामका लागि म्यानपावरमार्फत जाने कामदारको संख्या ६० जनामात्रै छ।
गएको जेठ १५ गतेदेखि नै मलेसियाको रोजगारी बन्द छ। मलेसियाले नयाँ कामदार लैजाने गरी कुनै पनि भिसा दिएको छैन। नेपाली कामदारको खास रुचीमा नरहेका केही सहरमा मात्रै मलेसियाले विदेशी कामदार लिएको छ।
