काठमाडौं- सरकारले घनश्याम उपाध्यायलाई निजामति सेवाको राजपत्रांकित विशिष्ट श्रेणीको रिक्त पदमा बढुवा गर्ने निर्णय गरेको छ। मंगलबार बसेको मन्त्रिपरिषद्को बैठकले उपाध्यायलाई सचिवमा बढुवा गर्ने निर्णय गरेको हो।

उपाध्याय अहिले काठमाडौंको सीडीओ छन्। यसअघि उनी ललितपुरको सीडीओ थिए। 

सहसचिव भएपछि लामो समय संस्कृति, पर्यटन तथा नागरिक उड्डयन मन्त्रालयमा काम गरेका उपाध्याय ललितपुरको सीडीओ हुनुभन्दा पहिले कर्णाली प्रदेशमा थिए।

यस्तै मन्त्रिपरिषद्को बैठकले बेपत्ता पारिएका व्यक्तिको छानबिन आयोग र सत्य निरुपण तथा मेलमिलाप आयोगको कार्यावधि संवत् २०८० पुस मसान्तसम्म थप गर्न बाधा अड्काउ फुकाउको आदेश जारी गर्ने निर्णय समेत गरेको छ।