काठमाडौं- सरकारले आर्थिक वर्ष २०७८०/८१ को बजेट सार्वजनिक गर्दै स्रोत छर्ने प्रवृत्तिमा रोक लगाउने नीति लिएको छ।

आगामी आर्थिक वर्ष २०८०/८१ को बजेट प्रस्तुत गर्दै अर्थमन्त्री प्रकाशशरण महतले यस्तो बताएका हुन्। 

सरकारले ठूलो संख्यामा आयोजना र कार्यक्रम समावेश गरी स्रोत साधन छर्ने प्रवृत्तिमा सुधार गर्न क्षेत्रगत प्राथमिकताभित्र पनि ठूला तथा रणनीतिक महत्त्वका, छिटो प्रतिफल दिने र बहुसंख्यक जनताले लाभ प्राप्त गर्ने आयोजना तथा कार्यक्रमलाई प्राथमिकता दिई रकम छुट्टयाएको छ।

संघीय सरकार अन्तर्गतका विभिन्न २० वटा निकाय खारेज गरिएको बताइएको छ। सार्वजनिक खर्च पुनरावलोकन आयोगको प्रतिवेदन क्रमश कार्यान्वयन गरिनेछ। आगामी आर्थिक वर्षका लागि सबै प्रोत्साहन भत्ता र अतिरिक्त भत्ता खारेज गर्ने पनि बजेटमा उल्लेख छ। नयाँ सवारी साधन र फर्निसिङ नगरिने अर्थमन्त्रीले बताए।