हुम्लाको लिमीमामा नेपाल टेलिकमको मोबाइल सेवा सञ्चालन

बिजनेस न्युज

सोमबार, असोज ३ २०७९

हुम्लाको लिमीमामा नेपाल टेलिकमको मोबाइल सेवा सञ्चालन

अब लिमीवासीको मोबाइलमा कुरा गर्ने सपना पनि पूरा भएको छ। यसअघि लिमीमा टेलिकमकै भिस्याट टेलिफोन सेवा थियो र यसले दिउँसो घाम लागेको समयमा मात्र काम गर्दथ्यो।

हुम्ला- हुम्लाको उत्तरी गाउँपालिकाको लिमी सञ्चारको पहुँचमा जोडिएको छ। नाम्खा गाउँपालिका– ६ हिमालपारिको गाउँ भनेर चिनिने लिमीमा मोबाइलको टावर निर्माण भएपछि लिमीवासी सञ्चारको पहुँचमा जोडिएका हुन् । नेपाल टेलिकमको मोबाइल सेवा लिमीका तीन गाउँ तिल, जाङ र हल्जिमा सञ्चालन भएको छ।

मोबाइल सेवा सञ्चालन आएपछि यहाँका स्थानीयले खुसी व्यक्त गरेका छन्। वर्षौंदेखि मोबाइलमा कुरा गर्ने उनीहरुको चाहना पूरा भएको छ। लिमी गाउँपालिकाका अध्यक्ष प्रेम लामाले निकै लामो प्रयासपछि लिमीमा टावर निर्माण पूरा भएर मोबाइल सेवा सञ्चालनमा आएको बताए।