काठमाडौं- औद्योगिक प्रवर्द्धन बोर्डको बैठकले १५ वटा उद्योगलाई अनुमति तथा लगानी विस्तार गर्न दिने निर्णय गरेको छ।
लामो समयपछि बिहीबार बसेको बोर्डको बैठकले ५ वटा मदिरा उत्पादन गर्ने उद्योगको लागनी विस्तार तथा १ उद्योगको अनुमति म्याद थपको निर्णय भएको बैठकका एक सहभागीले बताए।
उनका अनुसार अरुण डिस्टिलरी, नेचुरल स्पिरिट, छिन्नमस्ता डिस्टिलरी, न्यू एभरेष्ट र यती डिस्टिलरीलाई लगानी विस्तारको अनुमति दिएको हो।
यसैगरी ग्रिन टोबाकोलाई क्षमता विस्तार गर्न दिने निर्णयसमेत भएको छ। साउथ एसियन ब्रुअरीको अनुमतिपत्रको म्याद थप गर्ने निर्णय पनि भएको छ।
यसैगरी बैठकले ८ वटा क्रसर उद्योगलाई समेत अनुमति दिएको छ।