काठमाडौं- वैदेशिक रोजगारीमा जाने घरेलु कामदार (महिला)मा प्रतिबन्धले नै आप्रवासन विपतिको कृयाकलापहरूलाई वैधानिकता दिएको एक संस्थाको अध्ययनले देखाएको छ।

आप्रवासन प्रतिबन्धले धेरै नेपाली महिलाहरूलाई उनीहरूले नचाहँदा नचाहँदै एकै ठाउँमा खुम्च्याइदिने र सामाजिक-आर्थिक व्यवधानहरू झन् बढाएको अध्ययनले देखाएको हो। प्रतिबन्धकै कारण अनाधिकृत रुपमा वैदिशक रोगजारीमा जान परेको देखिएको छ।

आप्रवासन प्रतिबन्धले कैयौँ नागरिकहरूलाई सम्भावित रूपमा तस्करहरू को रूपमा कलंकित र अपराधीकरण गराए समेत अध्ययनले देखाएको छ।

अध्ययन गर्ने विभिन्न संस्थाले कठोर आप्रवासन नीतिका कारण महिला नेपाली नागरिकहरूमाथि आइपरेका दुष्परिणामहरूलाई सामाधान ४ वटा मुख्य सुझाव समेत दिएको छ।

 सुझावहरू

- नेपाल सरकारले कामदार लिने मुलुकहरूसँग कुटनीतिक वार्ता पुनः सुरु गर्नुपर्छ र घरेलु कामदारका लागि लगाइएको आप्रवासन प्रतिबन्ध हटाउने उपायहरू अवलम्बन गर्नुपर्छ।

- नेपाल-भारत सीमानाकाका एउटै स्थानमा दुईभन्दा बढी चेकजाँचका गतिविधिहरू निषेध गर्ने आफ्नो नीतिलाई सरकारले कडाईका साथ लागू गर्नुपर्छ। यसबाहेक, यस्ता स्थानहरूको फिर्ती केन्द्रहरूमा नियमित सामाजिक लेखा-जोखा पनि गरिनुपर्छ।

- चेतनामूलक गतिविधिहरूकासाथ साथै दीगो रोजगारीका अवसरहरूपनि थपिनुपर्छ। सबै सचेतनामूलक गतिविधिको सामाजिक लेखाजोखा सोही समुदायमै गरिनुपर्छ।

- सरकारले आफ्ना नागरिकहरूलाई उनीहरू जुनसुकै तरिकाबाट बाहिर गएका भए पनि उनीहरूको यथा आप्रवासन अवस्थाबाट निःशर्त उद्धार गर्ने व्यवस्था गर्नुपर्छ।

आप्रपासनमा प्रतिबन्ध लगाउँदा देखिने समस्याहरू

  -आप्रवासन प्रतिबन्धले धेरै आप्रवासन विपरितका कृयाकलापहरूलाई वैधानिकता दिन्छ फलस्वरूप मानवाधिकार उल्लंघनमा वृद्धि हुन्छ।

 -आप्रवासन प्रतिबन्धले धेरै महिला नेपाली नागरिकहरूलाई उनीहरूले नचाहँदा नचाहँदै एकै ठाउँमा खुम्च्याइदिन्छ जसले गर्दा उनीहरूका लागि हाल भैरहेका सामाजिक-आर्थिक व्यवधानहरू झन् बढछन्।

 -आप्रवासन प्रतिबन्धले नेपाली नागरिकहरूलाई अनधिकृतरूमा कामको खोजीमा जान बाध्य गराउँछ, जसले गर्दा उनीहरूको जोखिम झन् बढ्छ।

-आप्रवासन प्रतिबन्धले गर्दा अन्तर्राष्ट्रिय श्रम बजारमा नेपाली नागरिकहरू त्यागिन पुग्छन्।

-आप्रवासन प्रतिबन्धले धेरै नागरिकहरूलाई सम्भवतः  तस्करहरू को रूपमा कलंकित र अपराधीकरण गराउँछ।