.jpg)
.gif)
.gif)
काठमाडौं- कोभिडका कारण ठप्पजस्तै भएको वैदेशिक रोजगारीको क्षेत्र कोभिड अगाडिकै अवस्थामा फर्किएको छ। वैदेशिक रोजगार विभागले सार्वजनिक गरेको तथ्यांकअनुसार चालु आर्थिक वर्ष २०७८/०७९ को साउनदेखि ९ महिनामै वैदेशिक रोजगारीका लागि नेपालबाट ४ लाख ६० हजार ४ सय ८६ युवाले अन्तिम श्रम स्वीकृत लिँदै रोजगारीका लागि विश्वका विभिन्न देशमा पुगेका छन्।
.gif)
जसमा नयाँ कामको लागि संस्थागत तर्फ (म्यानपावर मार्फत) अन्मित श्रम स्वीकृत लिँदै वैदेशिक रोजगारीका लागि जाने युवाको संख्या २ लाख ३१ हजार २ सय ७८ जना रहेका छ।
.gif)
.gif)
यसैगरी विदामा नेपाल आइ पुनः वैदेशिक रोजगारीका लागि विदेश फर्कने युवाको संख्या २ लाख ६ हजार ६ सय २९ रहेको छ।
यसबाहेक २२ हजार ५ सय ७९ जना भने व्यक्तिगत नयाँ तथा व्यक्तिगत वैधानीकरण प्रक्रिया मार्फत वैदेशिक रोजगारीकाक लागि विदेश पलालयन भएका छन्।
कुन महिना कति?
विभागका अनुसार चैत महिनामा ५५ हजार ५ सय २३ युवा वैदेशिक रोजगारीका लागि विश्वका विभिन्न देश पुगको छन्।
यसैगरी फागुनमा ५३ हजार ४ सय ५७, माघमा ५४ हजार ४ सय ७०, पुसमा ६६ हजार ६ सय २५ र मंसिरमा सबैभन्दा बढी ७४ हजार ३ सय ५४ जना युवा वैदेशिक रोजगारीका लागि विदेश गएका छन्।
यसैगरी कात्तिकमा ५४ हजार ९ सय १८, असोजमा ३९ हजार ६ सय ७१, भदौमा ३६ हजार ४० र साउनमा २५ हजार ४ सय २८ जना युवा वैदेशिक रोजगारीका लागि विदेश पलायन भएका छन्।
