काठमाडौं- चितवन भरतपुरस्थित भाटभटेनी सुपरस्टोर शुक्रबारदेखि पुनः सञ्चालनमा आउने भएको छ। गएको भदौ २३ र २४ गते भएको जेनजी आन्दोलनको क्रममा पूर्णरुपमा क्षति भएको सुपरमार्केट पुनः सञ्चालन आउन तयार भएको हो।
भाटभटेनी सुपरस्टोरले दैनिकरूपमा शुक्रबार बिहान १० बजेदेखि नियमित सेवा प्रदान गर्ने जनाएको छ। आधुनिक सुविधा तथा गुणस्तरीय सेवा उपलब्ध गराउने प्रतिबद्धता यथावत रहेको भाटभटेनीले जनाएको छ।
क्षति भएको सात महिनामा पुनर्निर्माण सकेर सञ्चालनमा आउन लागेको हो। पुनर्निर्माण सम्पन्न भएसँगै भाटभटेनीमा गएको मंगलबार पूजाआजा समेत गरिएको थियो।