.jpg)
.gif)
.gif)
धनुषा- अख्तियार दुरुपयोग अनुसन्धान आयोगले धनुषाको मिथिला नगरपालिका-१० लालगढबाट सशस्त्र प्रहरी बलका एक जना प्रहरी निरीक्षक (इन्स्पेक्टर) लाई ४० हजार रुपैयाँ घुस रकमसहित पक्राउ गरेको छ। पक्राउ पर्नेमा प्रहरी निरीक्षक वकिल अधिकारी रहेका छन्।
.gif)
अख्तियारको बर्दिवास कार्यालयका अनुसार कमला-ढल्केवर-बाग्मती सडक निर्माण आयोजनाअन्तर्गत माटो तथा ग्राभेल फिलिङ कार्य गरिरहेका एक ठेकेदारसँग घुस लिँदै गर्दा प्रहरी निरीक्षक अधिकारीलाई आज पक्राउ गरिएको हो। प्रहरी निरीक्षक अधिकारीमाथि विभिन्न बहानामा निर्माणमा प्रयोग हुने सवारीसाधन रोक्ने तथा काममा अनावश्यक बाधा गर्ने आरोप छ।
.gif)
.gif)
यही क्रममा ठेकेदारसँग रकम मागेको सूचनाका आधारमा अख्तियारको टोलीले प्रहरी निरीक्षक अधिकारीलाई घुस रकमसहित पक्राउ गरेको हो। उनीमाथि थप अनुसन्धान भइरहेको अख्तियारले जनाएको छ। रासस
