.jpg)
.gif)
.gif)
बागमती- श्रम तथा रोजगार कार्यालयले श्रम कानूनको उल्लंघन गरेका दुई उद्योग-प्रतिष्ठानको खाता रोक्का गरेको छ। कार्यालयले १७५ प्रतिष्ठानको अनुगमनका क्रममा ती उद्योग-प्रतिष्ठानको खाता रोक्का गरेको हो।
.gif)
कार्यालयका प्रमुख रुद्रनारायण साहका अनुसार विभिन्न होटल तथा उद्योग प्रतिष्ठानमा कार्यरत २० जना बालबालिकाको उद्धार गरी अभिभावकको जिम्मा लगाइएको छ।
.gif)
.gif)
चालु आर्थिक वर्षको प्रथम आठ महिनामा नाबालिकलाई श्रमिकको रुपमा काममा लगाउने प्रतिष्ठान तथा रोजगारदातालाई २ लाख २५ हजार जरिवाना र २२ हजार रुपैयाँ क्षतिपूर्ति तिराइएको हो।
अधिकांश साना उद्योग प्रतिष्ठानले नियुक्तिपत्र, न्यूनतम पारिश्रमिक, सामाजिक सुरक्षा, व्यवसायजन्य सुरक्षाको व्यवस्था नगरेका पाइएको प्रमुख साहले बताए।
कार्यालयले आठ महिनामा व्यक्तिगत र सामूहिक ४५ श्रमसम्बन्धी उजुरीमध्ये २९ वटा उजुरी फछ्र्योट गरेको जनाएको छ। यसमा होटल, साना उद्योगलगायत २६८ प्रतिष्ठान सूचीकृत छन्।
