.jpg)
.gif)
.gif)
काठमाडौं- काठमाडौं उपत्यका अपराध अनुसन्धान कार्यालयको टोलीले अमेरिकन डलर देखाएर ठगी गरेको अभियोगमा दुई जनालाई पक्राउ गरेको छ।
.gif)
पक्राउ पर्नेमा नुवाकोट शिवपुरी गाउँपालिका-८ का २८ वर्षीय सरोज भन्ने सुवास तामाङ तथा मकवानपुर थाहा नगरपालिका-१२ का २७ वर्षीय फुर्साङ पासाङ भन्ने गौरव स्याङ्तान रहेका काठमाडौं उपत्यका अपराध अनुसन्धान कार्यालयका प्रहरी उपरीक्षक मनोहरप्रसाद भट्टले जानकारी दिए।
.gif)
.gif)
उनका अनुसार नुवाकोट लिखु गाउँपालिका-६ घर भइ हाल काठमाडौं तार्केश्वर-१० बस्ने दीपक थापालाई थानकोट पिपलबोटस्थित बोलाइ अमेरिकन डलर १२ हजार ६ सय सस्तो दरमा साटिदिन्छु भनी प्रलोभनमा पारी नेपाली नगद तीन लाख रुपैयाँ ठगी गरी फरार रहेको घटनाको अनुसन्धान गर्ने क्रममा निजहरूलाई कलंकीबाट पक्राउ गरिएको हो।
प्रहरीले उनीहरूका साथबाट ‘सिम कार्ड’ पाँच थान, विभिन्न कम्पनीको मोबाइल तीन थान बरामद गर्नाका साथै सरोज भन्ने सुवास तामाङ २०७९ भदौ १३ गते घर चोरी गरेको मुद्दामा जिल्ला अदालत काठमाडौंबाट दुई वर्ष ११ महिना एक दिन कैद, ३५ हजार जरिवाना र एक हजार ४०० क्षतिपूर्ति शुल्क बुझाउनुपर्ने फैसला भएको र उक्त व्यक्ति चार पटक मोटरसाइकल चोरी मुद्दामा पक्राउ परेको अनुसन्धानबाट खुल्न आएको प्रहरीले जनाएको छ।
यसैगरी, उक्त व्यक्तिहरुको आपराधिक कार्यविधि हेर्दा ‘ट्रेकिङ’ वा भरियाको काम गर्दा र पहिरोमा डलर तथा अन्य विदेशी मुद्रा भेटेको भनी मानिसहरुलाई प्रलोभनमा पारी ठगी गर्ने गरेको खुलेको छ। पक्राउ परेका दुवै जनालाई थप अनुसन्धान तथा कारबाहीका लागि आज प्रहरी वृत्त थानकोट पठाइएको प्रहरी उपरीक्षक भट्टले बताए।
