.jpg)
.gif)
.gif)
काठमाडौं- पश्चिम एसियामा बढ्दो तनावलाई मध्यनजर गर्दै पाकिस्तानले कूटनीतिक सक्रियता बढाएको छ। क्षेत्रीय शान्ति स्थापना तथा युद्ध समाधानका लागि पाकिस्तानले बहुपक्षीय वार्ताको पहल गरेको हो।
.gif)
पाकिस्तानले साउदी अरेबिया, टर्की र इजिप्टका विदेश मन्त्रीहरूलाई इस्लामाबादमा आमन्त्रण गरेको जनाएको छ। पाकिस्तानी विदेश मन्त्री इशाक दारले आफ्ना समकक्षीहरूलाई औपचारिक निमन्त्रणा दिएका हुन्।
.gif)
.gif)
विदेश मन्त्रालयका अनुसार ती मन्त्रीहरू आइतबार र सोमबार इस्लामाबादमा रहने कार्यक्रम छ। उक्त भ्रमणका क्रममा पश्चिम एसियाको वर्तमान सुरक्षा अवस्था, तनाव न्यूनीकरण तथा सम्भावित कूटनीतिक समाधानका उपायहरूबारे गहन छलफल हुने बताइएको छ।
वार्ताका क्रममा सहभागी विदेश मन्त्रीहरूले पाकिस्तानका प्रधानमन्त्री शाहबाज सरिफसँग पनि शिष्टाचार भेट गर्ने कार्यक्रम तय भएको छ।
विदेश मन्त्रालय स्रोतका अनुसार सोमबार बहुपक्षीय बैठक आयोजना हुने तयारी छ भने प्रतिनिधिमण्डलहरू आइतबार साँझसम्म इस्लामाबाद आइपुग्ने अपेक्षा गरिएको छ।
यसैबीच, क्षेत्रीय द्वन्द्व चर्किंदै जाँदा इरान र संयुक्त राज्य अमेरिकाबीच सन्देश आदानप्रदानमा पाकिस्तान एक महत्वपूर्ण मध्यस्थकर्ताका रूपमा उभिएको विश्लेषण गरिएको छ। पाकिस्तानले दुवै पक्षबीच संवाद कायम राख्न कूटनीतिक पुलको भूमिका निर्वाह गरिरहेको बताइएको छ।
