.jpg)
.gif)
.gif)
बागलुङ- दुई वर्षमा काम सम्पन्न गर्ने सम्झौतामा ठेक्का लागेको हरिचौर-मल्म-पाण्डवखानी सडक निर्माण व्यवसायीले तीन वर्ष बित्दा पनि सम्पन्न गरेको छैन।
.gif)
एक निर्वाचन क्षेत्र एक रणनीतिक सडकअन्तर्गतको सो सडक स्तरोन्नति हुन नसक्दा स्थानीय समस्यामा परेका छन्। उक्त सडक २०७९ सालको भदौमा सम्झौता भएको थियो। सम्झौताअनुसार काम गरेको भएमा २०८१ सालको भदौमा हस्तान्तरण भइसक्नुपर्ने थियो। ८ किलोमिटर सडक कालोपत्रका लागि दुई पटक ठेक्का सम्झौता थप गरे पनि ७० प्रतिशत मात्र भौतिक प्रगति भएको छ।
.gif)
.gif)
सडक डिभिजन कार्यालय बागलुङका सूचना अधिकारी विष्णु लामिछानेले समयमै काम नसक्दा दोस्रो पटक म्याद थप गरेको जानकारी दिए। सडक निर्माणको जिम्मा वर्ल्डवाइड/लोपूर्ण जेभी निर्माण कम्पनीले लिएको थियो। स्थानीयले गत कात्तिकमा निर्माण व्यवसायी विरुद्ध आन्दोलन गरेका थिए।
सुरुमा भुक्तानीको समस्या देखाउँदै निर्माण व्यवसायीले काम गर्न आनाकानी गरेको थियो। २०७९ भदौमा २५ करोड २० लाख रुपैयाँमा ठेक्का सम्झौता गरिएको थियो। उक्त खण्डको सुरुको हरिचौर-मल्लसम्मको ८ किलोमिटर सडक स्तरोन्नति, ढलान र कालोपत्र गर्ने सम्झौता भएको थियो।
उक्त सडक कालोपत्र भएपछि बागलुङको गलकोट नगरपालिका र बडिगाड गाउँपालिकाहुँदै निसीखोला गाउँपालिका सिधा सडकमार्फत जोडिन सहज हुने छ। रासस
