काठमाडौं- बाराको जितपुरमा तारे होटल निर्माण हुने भएको छ। जितपुर उपमहानगरपालिका वडा नम्बर १ मा भरलेली हस्पिटालिटी प्रालिले १ सय ५४ कोठामा २ सय ८० बेड रहने गरी तारे होटल निर्माण गर्न लागेको हो।
होटल निर्माणमा २ अर्ब १६ करोड ६१ लाख रुपैयाँ लागत लाग्ने अनुमान गरिएको छ।
होटल सिमरा विमानस्थलबाट १.६ किलोमिटरको दूरीमा रहने छ। होटलको भवन २१.०३ मिटर अग्लो हुने छ। होटलमा ३ वटा लिफ्ट हुने छन्।
होटलमा १० वटा भीआईपीसहित ६१ वटा कार पार्किङस्थल हुने छ। होटलमा ३ सय ९५ जना अट्ने क्षमताको सभाहल निर्माण हुने छ।
होटलमा ११ सय जनालाई सेवा दिन सक्ने ब्यांक्वेट निर्माण हुने छ। होटलको ३ वटा भवन निर्माण हुने छ।