.jpg)
.gif)
.gif)
चितवन- गत वर्षको तुलनामा यो वर्ष चितवन राष्ट्रिय निकुञ्जमा पर्यटकको आगमन बढेको छ। चालु आर्थिक वर्ष हालसम्म निकुञ्ज र मध्यवर्ती सामुदायिक वनहरुमा घुम्न आउने पर्यटकको संख्या १२ हजार ४ सय १२ ले बढेको हो।
.gif)
गत आर्थिक वर्षको सोही अवधिमा १ लाख ५६ हजार २ सय ८३ पर्यटक आएका थिए भने यो वर्ष १ लाख ६८ हजार ६ सय ९५ पर्यटकले निकुञ्ज भ्रमण गरेका छन्।
.gif)
.gif)
निकुञ्जका सूचना अधिकारी अविनास थापा मगरका अनुसार फागुन मसान्तसम्ममा निकुञ्जमा एक लाख चार हजार ९६ जना नेपाली पर्यटक आएका थिए। यो संख्या गत वर्ष ८१ हजार २४६ रहेको थियो।
यस्तै सार्क मुलुकका नौ हजार ५४४ जना, अन्य देशका ५५ हजार ५५ जनाले यस वर्ष निकुञ्ज भ्रमण गरेको उनले जानकारी दिए। गत वर्ष यो संख्या क्रमशः १४ हजार २०७ र ६० हजार ८३० रहेको थियो।
निकुञ्जमा पर्यटकहरू एक सिंगे गैँडा, पाटेबाघ, भालु, हात्ती, चित्तल, घडीयाल गोहीलगायतका वन्यजन्तु र चराचुरुंगी हेर्न पर्यटकहरु आउने गर्दछन्। निकुञ्जले चालु आवमा १७ करोड ५७ लाख ५६ हजार ३ सय २५ रुपैयाँ राजस्व संकलन गरेको छ।
काठ दाउरा बिक्रीबापत ७१ हजार ३५०, गैरकाठ वन पैदावर बिक्रीबापत ७० लाख ६८ हजार ७६६, पर्यापर्यटनबाट १६ करोड ६३ लाख २४ हजार १००, दण्ड सजायबाट सात लाख ५९ हजार ७०४ र अन्य शीर्षकबाट १५ लाख २२ हजार ४०५ रकम राजस्व संकलन भएको उनले जानकारी दिए। रासस
