.jpg)
.gif)
.gif)
काठमाडौं- राष्ट्रिय स्वतन्त्र पार्टीका सभापति रवि लामिछानेले फागुन २१ गते सम्पन्न प्रतिनिधि सभा निर्वाचनमा लागेको खर्च सार्वजनिक गरेका छन्। निर्वाचन आयोगमा बुझाइएको विवरणअनुसार, लामिछानेले निर्वाचन अवधिमा कुल ९ लाख ८९ हजार ९८७ रुपैयाँ खर्च गरेका छन्।
.gif)
निर्वाचनमा लामिछानेले मनोनयन दर्ता गर्दा १० हजार रुपैयाँ, नमुना मतपत्र छपाईमा ६८ हजार १६१ रुपैयाँ, यातायात तथा इन्धनमा २ लाख ९५ हजार रुपैयाँ खर्च गरेका छन्।
.gif)
.gif)
साथै, खाजा तथा मतदाता प्रशिक्षणका लागि २ दिनमा १४ हजार २०० रुपैयाँ, २८ वटा वडामा वडास्तरिय प्रचार–प्रसारमा ४६ हजार रुपैयाँ, प्रचार सामग्री खरिद (ब्याच र झण्डा)मा १ लाख १२ हजार रुपैयाँ, ब्यानर र स्टिकरमा ५५ हजार रुपैयाँ, खाधान्न तथा रासनमा १ लाख ९६ हजार रुपैयाँ खर्च भएको छ।
यसका अतिरिक्त, तीन पटकको हवाई यात्रा १३ हजार ६२६ रुपैयाँमा सम्पन्न भएको र गोष्ठी तथा भेलामा १ लाख ८० हजार रुपैयाँ खर्च भएको जानकारी आयोगमा दिइएको छ। लामिछानेले आफ्नो निर्वाचन खर्च सार्वजनिक गरेर पारदर्शिता कायम गर्ने प्रयास गरेका हुन्।
