.jpg)
.gif)
.gif)
काठमाडौं- प्रतिनिधि सभा निर्वाचन २०८२ को मतगणना अन्तिम चरणमा पुगेको छ। प्रत्यक्षतर्फ १ सय ६५ निर्वाचन क्षेत्रमा भएको निर्वाचनमा रास्वपाले १२५ क्षेत्रमा जित हासिल गर्दै पहिलो पार्टी भएको छ।
.gif)
१८ क्षेत्रमा कांग्रेसले जित हासिल गरेको छ। एमालले ९ क्षेत्र र नेकपाले ८ क्षेत्रमा जित हासिल गरेको छ। पहिलो पटक निर्वाचनमा सहभागी भएको श्रम संस्कृति पार्टीले ३ सिट, राप्रपाले १ सिट र स्वतन्त्र उमेदवारले १ क्षेत्रमा जित हासिल गरेका छन्।
.gif)
.gif)
समानुपातिक मततर्फ कुल १ करोड ४ लाख ४४ हजार ४ सय २५ मत गणना हुँदासम्म रास्वापाले ५० लाख १५ हजार ५ सय १० मत पाएको छ भने कांग्रेसले १६ लाख ९६ हजार ३ सय ९८ मत पाएको छ।
यसैगरी एमालले १४ लाख १३ हजार १ सय ६७ मत, नेकपाले ७ लाख ६८ हजार ५ सय ६२ मत, श्रम संस्कृति पार्टीले ३ लाख ५८ हजार ४ सय ८६ मत र राप्रपाले ३ लाख २५ हजार ३ सय ९२ मत पाउँदै राष्ट्रिय पार्टी भएका छन्।
६ वटा प्रदेशमा रास्वपा पहिलो पार्टी भएको छ। रास्वपा सुदूरपश्चिम, लुम्बिनी, गण्डकी, बागमती, मधेश र कोशी प्रदेशमा पहिलो पार्टी भएको छ।
यसैगरी रास्वपा पहिलो भएको सबै प्रदेशमा कांग्रेस दोस्रो हुँदा कर्णालीमा भने कांग्रेस पहिलो भएको छ।
सातवटै प्रदेशका एमाले तेस्रो भएको छ। सुदूरपश्चिम, कर्णाली, लुम्बिनी र बागमतीमा नेकपा चोथौ साथै मधेश र कोशी प्रदेशमा पाँचौँ भएको छ।
