काठमाडौं- नेपाली बजारमा आज सोमबार सुनचाँदीको मूल्य घटेको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ हजार ७ सय रुपैयाँले घटेर ३ लाख १३ हजार २ सय रुपैयाँमा झरेको छ। हिजो आइतबार सुन प्रतितोला ३ लाख १६ हजार ९ सय रुपैयाँमा कारोबार भएको थियो।
सुन गत माघ १५ गते हालसम्मकै उच्च मूल्य प्रतितोला ३ लाख ३९ हजार ३ सय रुपैयाँमा कारोबार भएको थियो।
यस्तै आज सोमबार चाँदीको मूल्य प्रतितोला ६५ रुपैयाँले घटेर ५ हजार ४ सय १० रुपैयाँमा झरेको छ। हिजो आइतबार चाँदी प्रतितोला ५ हजार ४ सय ७५ रुपैयाँमा कारोबार भएको थियो।
चाँदी गत माघ १५ गते हालसम्मकै उच्च मूल्य प्रतितोला ७ हजार ५ सय ५ रुपैयाँमा कारोबार भएको थियो।
