काठमाडौं- नेपाली बजारमा आज आइतबार सुनचाँदीको मूल्य बढेको छ।
नेपाल सुनचाँदी व्यवसायी महासंघका अनुसार गएको शुक्रबार प्रतितोला ३ लाख १३ हजार ४ सय रुपैयाँमा कारोबार भएको सुनको मूल्य आज प्रतितोला ३ हजार ५ सय रुपैयाँले बढेर ३ लाख १६ हजार ९ सय रुपैयाँ पुगेको छ।
सुन गत माघ १५ गते हालसम्मकै उच्च मूल्य प्रतितोला ३ लाख ३९ हजार ३ सय रुपैयाँमा कारोबार भएको थियो।
यस्तै गएको शुक्रबार प्रतितोला ५ हजार ४ सय ४५ रुपैयाँमा कारोबार भएको चाँदीको मूल्य आज आइतबार प्रतितोला ३० रुपैयाँले बढेर ५ हजार ४ सय ७५ रुपैयाँ पुगेको छ।
चाँदी गत माघ १५ गते हालसम्मकै उच्च मूल्य प्रतितोला ७ हजार ५ सय ५ रुपैयाँमा कारोबार भएको थियो।
