काठमाडौं- गण्डकी प्रदेशअन्तर्गतको कास्की जिल्लाका ३ वटै निर्वाचन क्षेत्रमा नेकपाका उम्मेदवारले जमानतसमेत जोगाउन सकेनन्।
कास्कीका ३ वटा निर्वचान क्षेत्रमा नेकपाले जम्मा ५ हजार २ सय ११ मत पाएको छ।
कास्की-१ मा राजकाजी गुरुङले २४ सय ७९ मत ल्याएका छन् भने कास्की-२ मा हेमबहादुर थापा पराजुलीले १ हजार २ सय ७६ मत पाएका छन्।
यसैगरी कास्की-३ मा गोपाल गिरीले १ हजार ४ सय ५६ मत मात्रै पाएका छन्।
सम्बन्धित निर्वाचन क्षेत्रमा खसेको कुल सदर मतको १० प्रतिशत मत ल्याउन नसकेपछि तीनै जना उम्मेदवारको जमानत जफत भएको हो।
