.jpg)
.gif)
.gif)
काठमाडौं- गतिशील लोकतान्त्रिक पार्टीका नेता वीरेन्द्रबहादुर बस्नेतले पार्टी छोडेका छन्। उनले सामाजिक सञ्जालमार्फत सक्रिय राजनीति छोडेर व्यावसायिक जीवनमा फर्किएको घोषणा गरेका हुन्।
.gif)
'अब म एक स्वतन्त्र, जिम्मेवार नागरिकका रूपमा समाजसेवी अभियानमार्फत मातृभूमिको सेवामा समर्पित रहने छु,' उनले भनेका छन्।
.gif)
.gif)
उनी जेनजी आन्दोलनपछि स्थापना भएको गतिशील लोकतान्त्रिक पार्टीका केन्द्रीय सदस्य थिए।
जेनजी आन्दोलनलाई भ्रष्टाचार, बेरोजगारी, गरिबी, शोषण र बेथितिविरुद्धको विस्फोटका रूपमा लिएको बताउँदै उनले दिगो रोजगारी, सुशासन र समतामूलक विकासको बाटो खोज्दै नयाँ राजनीतिक अभियानमा सहभागी भए पनि त्यो अगाडि बढ्न नसकेको बताए।
'हालको राजनीतिक संस्कारले मेरो आत्मासँग मेल खाएन। मैले बुझेँ, पद र दलको सीमाभित्र रहेर मेरो अनुभव, क्षमता र देशप्रतिको अथाह प्रेमले खोजेको योगदान दिन सकिँदैन। अबको बाटो फरक छ तर देशप्रतिको समर्पण यथावत छ,' उनले लेखेका छन्।
आगामी दिनमा आफ्नो समय, ऊर्जा र सीपलाई विश्लेषण, छलफल, समाधान र सिर्जनामा केन्द्रित गर्ने प्रतिबद्धता उनले व्यक्त गरेका छन्।
बस्नेत निजी क्षेत्रबाट सञ्चालित विमान कम्पनी बुद्ध एयरका सञ्चालक हुन्।
