.jpg)
.gif)
.gif)
काठमाडौं- नेपाली बजारमा आज मंगलबार सुनको मूल्य बढेको छ भने चाँदीको मूल्य घटेको छ।
.gif)
नेपाल सुनचाँदी व्यवसायी महासंघका अनुसार आज मंगलबार छापावाल सुनको मूल्य प्रतितोला १ हजार ३ सय रुपैयाँले बढेर ३ लाख १४ हजार ८ सय रुपैयाँ पुगेको छ। हिजो सोमबार सुन प्रतितोला ३ लाख १३ हजार ५ सय रुपैयाँमा कारोबार भएको थियो।
.gif)
.gif)
सुनको मूल्य लगातार तेस्रो दिन बढेको हो। सुनको मूल्य यसअघि आइतबार प्रतितोला ५ हजार ६ सय रुपैयाँ र सोमबार प्रतितोला ३ हजार २ सय रुपैयाँले बढेको थियो।
पछिल्लो तीन दिनमा सुनको मूल्य प्रतितोला १० हजार १ सय रुपैयाँले बढेको छ।
दैनिक कारोबारको हिसाबले भने सुन गत माघ १५ गते हालसम्मकै उच्च मूल्य प्रतितोला ३ लाख ३९ हजार ३ सय रुपैयाँमा कारोबार भएको थियो।
यस्तै आज मंगलबार चाँदीको मूल्य प्रतितोला १० रुपैयाँले घटेर ५ हजार ५ सय ८५ रुपैयाँमा झरेको छ। हिजो सोमबार चाँदी प्रतितोला ५ हजार ५ सय ९५ रुपैयाँमा कारोबार भएको थियो।
आइतबार र सोमबार गरी दुई दिन लगातार बढेको चाँदीको मूल्य तेस्रो दिन भने घटेको हो। चाँदीको मूल्य यसअघि आइतबार प्रतितोला ३ सय ७५ रुपैयाँ र सोमबार प्रतितोला १ सय ७० रुपैयाँले बढेको थियो।
दैनिक कारोबारको हिसाबले भने चाँदी गत माघ १५ गते नै हालसम्मकै उच्च मूल्य प्रतितोला ७ हजार ५ सय ५ रुपैयाँमा कारोबार भएको थियो।
