.jpg)
.gif)
.gif)
काठमाडौं- नेपाली बजारमा सुनको मूल्यले उचाइ कायम गर्दै एक सातामा प्रतितोला १२ हजार ५०० रुपैयाँको वृद्धि भएको छ।
.gif)
गत माघ २३ गते शुक्रबार प्रतितोला २ लाख ९१ हजार रुपैयाँमा कारोबार भएको सुन, एक हप्ताको निरन्तर उतारचढावपछि फागुन १ गतेसम्म आइपुग्दा ३ लाख ३ हजार ५०० रुपैयाँ पुगेको हो।
.gif)
.gif)
नेपाल सुनचाँदी व्यवसायी महासंघका अनुसार सुनको भाउमा तीव्र उत्तारचढाव देखिएको छ। सुन माघ २५ गते एकैदिन ९ हजार ५०० रुपैयाँको बढेर भई ३ लाख ५०० कायम भएको थियो।
त्यसपछिका दिनहरूमा पनि मूल्य बढ्ने क्रम रोकिएन। माघ २६ गते ३ हजार १०० रुपैयाँले बढेर ३ लाख ४ हजार ६०० पुगेको सुनको भाउ माघ २७ गते ३ लाख ५ हजार ५०० र माघ २८ गते ३ लाख ६ हजार ६०० रुपैयाँको उच्च विन्दुमा पुगेको थियो। माघ २९ गते सामान्य घटबढ भई ३ लाख ६ हजार ५०० मा कारोबार भएको महासंघले जनाएको छ।
सुन व्यवसायीहरूका अनुसार यो साता बजारमा मूल्य कहिले ह्वात्तै बढ्ने र कहिले सामान्य घट्ने प्रक्रिया निरन्तर चलिरह्यो। गत माघ १५ गते सुन हालसम्मकै उच्च मूल्य प्रतितोला ३ लाख ३९ हजार ३ सय रुपैयाँमा कारोबार भएको थियो।
