.jpg)
.gif)
.gif)
म्याग्दी- म्याग्दीको धवलागिरि गाउँपालिका-२ लमसुङ स्थित दरखोलामा मोटरेबल पुल निर्माण थालिएको छ। पूर्वाधार विकास कार्यालय म्याग्दीले ठेक्कामार्फत निर्माण थालिएको सो पुल २५ मिटर लामो हुनेछ।
.gif)
वि.सं. २०८१ भदौ १९ गते ५ करोड ५९ लाख ३३ हजार रुपैयाँमा ठेक्का सम्झौतामा निर्माण कम्पनीले यसै महिनादेखि काम थालेको कार्यालयका प्रमुख सिनियर डिभिजनल इञ्जिनियर डा. महेन्द्र बानियाँले जानकारी दिए।
.gif)
.gif)
खोलालाई डाइभर्सन गरेर पुलको पिल्लर राख्ने ठाउँ बनाउन थालिएको हो। ठेक्का सम्झौताको अवधि १ वर्ष ५ महिना तोकिएको छ।
यस ठाउँमा पुल निर्माण भएपछि धवलागिरि गाउँपालिकाको १ र २ नम्बर वडालाई पालिकाको केन्द्र जोड्ने मुना-खोरिया-लमसुङ- लुलाङ-गुर्जा सडकमा बाह्रै महिना नियमित यातायात सञ्चालन गर्न सकिने गाउँपालिकाका उपाध्यक्ष रेशम पुनमगरले बताए। हाल बर्खामा दरखोलामा बाढी आएर पानीको सतह बढ्दा सिधा यातायात बन्द हुने गरेको छ। रासस
