काठमाडौं- आउँदो फागुन २१ गते हुने प्रतिनिधिसभा निर्वाचनमा मतदाता परिचयपत्रसहित अन्य सरकारी परिचय खुल्ने कागजातले पनि भोट हाल्न पाइने निर्वाचन आयोगले जनाएको छ।
मतदाता नामावलीमा नाम दर्ता भएको तर मतदाता परिचयपत्र नभएको अवस्थामा नेपाली नागरिकताको प्रमाणपत्र, राष्ट्रिय परिचयपत्र, राहदानी, सवारी चालक अनुमतिपत्र र जग्गाधनी प्रमाण पूर्जामध्ये कुनै एउटा सक्कल कागजात साथमा लिएर जाँदा मतदान गर्न पाइने आयोगले जनाएको छ।
मतदाता नामावलीमा नाम दर्ता भएका व्यक्तिले मतदान गर्न जाँदा आफूसँग भएको मतदाता परिचयपत्र साथमा लिएर जानुपर्छ तर यदि मतदाता परिचयपत्र नभएको अवस्थामा ती सरकारी कागजात पनि मान्य हुने जनाइएको छ।
निर्वाचन आउन ३० दिन बाँकी : छानबिनपछि समानुपातिक बन्दसूचीबाट ७६ जनाको नाम हट्यो
