काठमाडौं- राष्ट्रपति रामचन्द्र पौडेलसँग नेपालका लागि संयुक्त राज्य अमेरिकाका राजदूत डीन आर थम्सनले आज राष्ट्रपति भवनमा बिदाइ भेट गरेका छन्।
त्यस अवसरमा उनीहरूबीच नेपाल-अमेरिका सम्बन्धका साथै आपसी हित र चासोका विषयमा छलफल भएको राष्ट्रपतिको कार्यालयले जनाएको छ।
थम्सन २०७९ कात्तिक ४ गते राजदूतको जिम्मेवारीमा आएका थिए। नेपाल आउनुअघि राजदूत थम्पसनले दक्षिण तथा मध्य एसियाली मामिलासम्बन्धी ब्यूरोमा कार्यवाहक सहायक मन्त्री र प्रमुख उपसहायक मन्त्रीका रूपमा काम गरी अमेरिकी नीति र यस क्षेत्रका देशहरूसँगको सम्बन्ध लगायतका विषय हेरेका थिए।
