.jpg)
.gif)
.gif)
रसुवा- गत असार २४ को ल्हेन्देखोला बाढीले क्षतिग्रस्त रसुवागढी जलविद्युत आयोजना मर्मतपश्चात् सञ्चालनमा आएको छ।
१ सय ११ मेगावाट क्षमताको सो जलविद्युत केन्द्रका तीन टर्वाइनमध्ये हालसम्म दुई टर्वाइन तथा मुहानको ड्याम एवं नहरसमेत मर्मत गरेसँगै हाल उत्पादित ६८ मेगावाट विद्युत राष्ट्रिय प्रसारणमा जोडिएको रसुवागढी जलविद्युत् केन्द्रले जनाएको छ।
.gif)
रसुवागढी हाइड्रोपावर कम्पनीका कार्यकारी निर्देशक सत्यराम ज्याख्वका अनुसार मर्मत सुधारपश्चात् ३७ मेगावाट गत मंसिर महिनामा र ३१ मेगावाट हालै उत्पादन गरिएको हो। सफाइ एवं मर्मत बाँकी नै रहेको र अर्काेतर्फ क्षमताअनुसार उत्पादन गर्न बाँकी ४३ मेगावाट आगामी जेठ-असारबाट उत्पादन हुने जनाइएको छ।
पानीको प्रवाह घट्न गएका कारण सुक्खायाममा विद्युत उत्पादन घट्ने जलविद्युत केन्द्रले जनाएको छ। बाढीका कारण उपकरण तथा संरचनामा क्षति पुग्दा उक्त जलविद्युत केन्द्रले ३ अर्ब ५१ करोड रुपैयाँ क्षति बेहोर्नुपरेको थियो। रासस
.gif)
.gif)
