.jpg)
.gif)
.gif)
काठमाडौं- निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनका लागि समानुपातिक प्रणालीतर्फको बन्दसूची पेश गरेका राजनीतिक दललाई पालैपालो बोलाएर देखिएका त्रुटि औँल्याउने काम गरिरहेको छ। पेश भएका सूचीको जाँचबुझ र दलका प्रतिनिधिसँगको छलफलपछि देखिएका कमजोरी सच्याएर पेश गर्न यही पुस २० गते औपचारिक पत्राचार गर्ने आयोगले जनाएको छ।
.gif)
आयोगका सहायक प्रवक्ता कुलबहादुर जीसीले बन्दसूची पेश गर्ने दलले समावेशीको समूह (क्लष्टर) मिलाए÷नमिलाएको लगायत विवरण जाँच गरी सम्बन्धित दलका प्रतिनिधिलाई बोलाएर छलफल भइरहेको जानकारी दिए।
.gif)
.gif)
आयोगमा यही पुस १३ र १४ गते ६४ राजनीतिक दलले बन्दसूची पेश गरेका थिए। त्यसमध्ये २२ दलले मात्रै ११० वटै स्थानमा उम्मेदवारी मनोनयन गरेका छन्। सूचीअनुसार औसतप्रति निर्वाचन चिह्नमा उम्मेदवारी दिने दलको संख्या ६० देखिएको छ। यस्तै न्यूनतम ११ स्थानमा बन्दसूची पेश गर्ने दलको संख्या १० छ। यसैगरी एकल चिह्न लिएका दल १० रहेको आयोगले जनाएको छ।
आयोगमा ९३ राजनीतिक दलले यस प्रणालीमा उम्मेदवारी दिन आवेदन दिएका थिए पनि बन्दसूची पेश गर्ने ६४ दल मात्रै भएका छन्। आयोगले यही पुस २१ गतेदेखि २७ गतेसम्म पेश भएको विवरण मिलाउन दललाई समय दिनेछ। यही पुस २८ गतेदेखि आगामी माघ ३ गतेसम्म दलले मिलाएको बन्दसूची जाँच गरी आगामी माघ २० गते अन्तिम सूची प्रकाशन गरिने आयोगका सहायक प्रवक्ता जीसीले जानकारी दिए।
आयोगमा यो प्रणालीको निर्वाचनका लागि स्थापित निर्वाचन अधिकृतको कार्यालयमा तथ्यांक, प्रविधि र कानुनी क्षेत्रका विज्ञहरू कार्यरत छन्। रासस
