.jpg)
.gif)
.gif)
काठमाडौं- जापानले मध्य एसियामा आगामी पाँच वर्षभित्र १९ अर्ब डलरबराबरका व्यापार परियोजनाहरू सञ्चालन गर्ने लक्ष्य सार्वजनिक गरेको छ। यो पहल जापानले यस क्षेत्रमा आफ्नो सकारात्मक उपस्थिति र सहयोग विस्तार गर्ने प्रयासको रूपमा लिएको हो।
.gif)
प्रधानमन्त्री सानाए ताकाइचीले टोकियोमा पाँच मध्य एसियाली राष्ट्रका नेताहरूसँग पहिलो शिखर सम्मेलन आयोजना गरिन्। बैठकपछि जारी संयुक्त वक्तव्यअनुसार जापानले मध्य एसियामा पाँच वर्षभित्र कुल तीन करोड येनबराबरका व्यापार परियोजनाको लक्ष्य तय गरेको छ।
.gif)
.gif)
जापान दुर्लभ धातु आपूर्ति विविधीकरण गर्न र चीनमा निर्भरता कम गर्न यस क्षेत्रमा लगानी गर्न इच्छुक देखिएको हो।
वक्तव्यमा भनिएको छ, 'प्राकृतिक स्रोत र ऊर्जा स्रोतले धनी मध्य एसियाले अन्तर्राष्ट्रिय बजारसँग पहुँच विस्तार गर्नु महत्त्वपूर्ण छ।'
नेताहरूले महत्त्वपूर्ण धातु आपूर्ति शृंखला सुदृढीकरणका लागि सहयोग बढाउने, आर्थिक विकास प्रवर्द्धन गर्ने र वातावरणीय लक्ष्यहरू प्राप्त गर्ने प्रतिबद्धता व्यक्त गरे।
साथै उनीहरूले रुस, चीन र युरोपेली संघका शीर्ष नेतासँग यस वर्ष अलग-अलग शिखर सम्मेलन पनि गरेका छन्। विशेषज्ञहरूले यस शिखर सम्मेलनलाई जापानको क्षेत्रीय उपस्थिति बलियो बनाउन महत्त्वपूर्ण कदमको रूपमा मूल्यांकन गरेका छन्।
मध्य एसियाका राष्ट्रहरू प्राकृतिक स्रोतमा धनी भए पनि आर्थिक अवस्थाका कारण यी स्रोतहरूको उपयोग चुनौतीपूर्ण रहिरहेकाले सहकार्य र समन्वय आवश्यक छ। रासस
