.jpg)
.gif)
.gif)
.gif)
काठमाडौं- नेपाल वायुसेवा निगम (नेपाल एयरलाइन्स) मा नेतृत्व परिवर्तनसँगै आम्दानीमा सुधार देखिन थालेको छ।
.gif)
.gif)
युवराज अधिकारी निगम कार्यकारी अध्यक्ष रहँदा लापरबाही र कमिसनतन्त्रका कारण चार वर्षसम्म निरन्तर रुपमा घटिरहेको निगमको आम्दानीमा अहिले उनी बाहिरिएसँगै सुधार देखिएको छ।
२०७८ कात्तिकमा निगम कार्यरकारी अध्यक्षको जिम्मेवारीमा अधिकारीको आगमनसँगै निगमको जहाज उडाएर हुने आम्दानीमा सुधार हुन सकेको थिएन।
अधिकारी बाहिरिएको महिनामा नै पछिल्लो चार वर्षको कुनै पनि महिनामा भन्दा बढी आम्दानी भएको छ। अधिकारी कात्तिक ७ गतेबाट अवकाशमा गएका थिए। त्यही महिना निगमको आम्दानीमा रेकर्ड ब्रेक भएको हो।
निगम स्रोतले दिएको विवरणअनुसार २०८२ को कात्तिकमा जहाज उडाएर निगमले १ अर्ब ८१ करोड १२ लाख ५ हजार ४ सय ६ रुपैयाँ आम्दानी गरेको छ। जसमा अन्तर्राष्ट्रिय उडानबाट मात्रै १ अर्ब ७९ करोड रुपैयाँ आम्दानी गरेको छ।
अधिकारीकै नेतृत्वका रहेको बेला २०८० को साउनमा निगमले १ अर्ब ६ करोड ५४ लाख ३८ हजार ६५ रुपैयाँ जहाज उडाएर आम्दानी गरेको थियो भने भदौमा १ अर्ब २९ करोड ८८ लाख ९ हजार ६ सय ९७ रुपैयाँ कमाएको थियो।
यसैगरी निगमले असोजमा १ अर्ब ७८ करोड ५७ लाख १ हजार ३ सय ७६ रुपैयाँ आम्दानी गरेको थियो। निगमले पछिल्लो चार महिनामा जहाज उडाएर ५ अर्ब ९६ करोड ११ लाख ५४ हजार ५ सय ४४ रुपैयाँ आम्दानी गरेको छ।
