काठमाडौं- सिमरा विमानस्थल क्षेत्रमा तनाव बढेसँगै आज बुधबारका लागि निर्धारित सबै उडान रद्द भएको छ।
सिमरामा पाँचवटा उडान तालिका राखेको बुद्ध एयरको एउटामात्रै उडान भएको थियो। दोस्रो उडानमा नेकपा एमालेका महासचिव शंखर पौडेले र नेता महेश बस्नेत सिमरा उड्ने तयारीमा थिए। उनीहरू सवार जहाज पार्किङ वेबाट उडानमा जाने तयारीमा थियो।
सिमरा विमानस्थलमा पौडेल र बस्नेत सवार जहाज अवतरण हुने नदिने भन्दै विरोध सुरु भएको थियो। सिमरा विमानस्थलको गेटसमेत भत्किएको छ।
विमानस्थलमा भिड बढेपछि विमानस्थल कार्यलयले सबै उडान तथा अवतरण बन्द गराएको हो। जसका कारण यात्रुहरू अलपत्र परेका छन्।
