काठमाडौं- नेपाली बजारमा मंगलबारको तुलनामा आज बुधबार सुनको मूल्य घटेको छ भने चाँदीको मूल्य बढेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ४४ हजार ३ सय कायम भएको छ। मंगलबार सुन तोलामा ४ हजार ९ सय रूपैयाँले बढेर प्रतितोला २ लाख ४६ हजार ४ सय रूपैयाँ पुगेको थियो।
यस्तै आज चाँदी प्रतितोला ३ हजार १ सय ७५ रुपैयाँमा कारोबार भइरहेको छ। मंगलबार चाँदी ३ हजार १ सय ७० रुपैयाँमा किनबेच भएको थियो।
गएको असोज ३१ गते सुनको मूल्य ताेलाकाे २ लाख ५८ हजार रुपैयाँ पुगेको थियो। जुन मूल्य हालसम्मकै उच्च हो। गएको असोज ३१ गते नै चाँदीको मूल्य पनि सबैभन्दा बढी ३ हजार ३ सय ५० रुपैयाँ प्रतितोला पुगेको थियो।


