.jpg)
.gif)
.gif)
काठमाडौं- लिपमोटरले अक्टोबर २०२५ मा ७० हजार २ सय ८९ वटाभन्दा बढी सवारी बिक्री गरेको छ।
.gif)
यो आँकडाले गत वर्षको तुलनामा ८४ प्रतिशतभन्दा बढी वृद्धि भएको देखिन्छ। जसले लिपमोटरलाई चीनको अग्रणी नयाँ ऊर्जा सवारी स्टार्टपको रूपमा अझ सुदृढ बनाएको छ।
.gif)
.gif)
यो उपलब्धिले २०२५ मा लगातार आठ महिनाको शीर्ष बिक्रीलाई पछ्याएको छ। यो रेकर्डले लिपमोटरको नवप्रवर्तन, गुणस्तर र दिगो गतिशीलताप्रति प्रतिबद्धतालाई अझ बलियो बनाएको कम्पनीको भनाइ छ।
लिपमोटरले नेपालसहित विश्वव्यापी बजारहरूमा उन्नत र उच्च प्रदर्शनका विद्युतीय सवारीसाधनहरू निरन्तर उपलब्ध गराउँदै आइरहेको छ। यसले दिगो गतिशीलताका दिशामा विश्वव्यापी परिवर्तनलाई सहयोग पुर्याउँदै विद्युतीय यातायातको भविष्यलाई अगाडि बढाइरहेको छ।
नेपाली बजारमा लिपमोटरका विद्युतीय कार सांग्रिला मोटर्सले बिक्री गर्दै आएको छ। हाल लिपमोटरका सी१०, बी१० र टी०३ नेपाली बजारमा बिक्री हुँदै आएका छन्।
