.jpg)
.gif)
.gif)
स्याङ्जा- भीरकोट नगरपालिका-४ सिसौघारीमा मन्दिरसहितको तलाउ निर्माण थालिएको छ। मन्दिरसहितको तलाउलाई धार्मिक पर्यटन प्रवर्द्धनमा जोड दिँदै आम्दानीको स्रोतको रुपमा विकास गर्ने उद्देश्यले पालिकाल निर्माण थालेको हो।
.gif)
सहरी विकास मन्त्रालय सहरी विकास तथा भवन निर्माण विभाग कास्कीको एकीकृत सहरी पूर्वाधार कार्यक्रमअन्तर्गत तलाउ, मन्दिरसहित पक्की सडक निर्माण गरिने भएको विभागका इन्जिनियर अच्युत पौडेलले जानकारी दिए।
.gif)
.gif)
'आयआर्जनको स्रोतको रुपमा बीचमा मन्दिरसहितको तलाउ निर्माण भइरहेको छ', उनले भने, 'त्यहाँसम्म पुग्न पक्की पहुँच मार्ग निर्माण गरिने छ। सबै काम पूरा गर्न १२ करोड ८० लाख रूपैयाँ विनियोजन गरिएको छ।'
आगामी फागुनसम्ममा निर्माण सम्पन्न गर्ने लक्ष्य छ। तलाउमा निर्माण गरिएको मन्दिरमा शिवपार्वती र गणेशको मूर्ति प्रतिस्थापन गरिने छ। रासस
