.jpg)
.gif)
.gif)
काठमाडौं- प्रधानमन्त्री सुशीला कार्कीले सरकार विस्तार गर्ने क्रममा आइतबार थप पाँच मन्त्रीको नाम टुंगो लगाएकी छन्। सिफारिस भएका नयाँ मन्त्रीहरूले सोमबार शपथग्रहण गर्ने कार्यक्रम तय भएको छ।
.gif)
स्वास्थ्य तथा जनसंख्या मन्त्रालयमा अतिरिक्त सचिव रहेकी डा. संगीता कौशल मिश्रलाई मन्त्रीका लागि सिफारिस गरिएको छ। उनी लामो समयदेखि स्वास्थ्य प्रशासन क्षेत्रमा सक्रिय रहिएकी मिश्रले मन्त्री पद ग्रहण गर्न सेवाबाट राजीनामा दिएकी छन्।
.gif)
.gif)
शिक्षा, विज्ञान तथा प्रविधि मन्त्रालयको जिम्मेवारी राष्ट्रिय आविष्कार केन्द्रका अध्यक्ष महाविर पुनलाई दिन लागिएको छ। पुन लामो समयदेखि विज्ञान, अनुसन्धान र प्रविधिको क्षेत्रमा सक्रिय छन्। गाउँमा इन्टरनेट विस्तारदेखि ऊर्जा समाधानसम्मका परियोजनामा संलग्न पुनलाई सरकारको 'नवप्रवर्तन-मुखी' प्रयासलाई गति दिने उद्देश्यले मन्त्री बनाउने निर्णय भएको हो।
सञ्चार, सूचना तथा प्रविधि मन्त्रालयमा सञ्चारकर्मी जगदीश खरेललाई मन्त्रीका लागि सिफारिस गरिएको छ। इमेज च्यानलसँग आबद्ध खरेललाई सञ्चार तथा सूचना प्रवाह सुधार गर्ने तथा डिजिटल संक्रमणलाई सहज बनाउने अपेक्षासहित अघि सारिएको छ।
त्यस्तै कृषिमन्त्रीका लागि मदन परियारको नाम टुंगो लगाइएको छ। परियार लामो समयदेखि कृषिसम्बन्धी गतिविधि र सहकारी आन्दोलनमा संलग्न रहँदै आएका व्यक्तित्व मानिन्छन्।
उद्योग तथा भूमिसुधार मन्त्रालयको जिम्मेवारी अनिलकुमार सिन्हालाई दिन लागिएको छ।
