.jpg)
.gif)
.gif)
झापा- जेनजी प्रदर्शनका क्रममा क्षतिग्रस्त भएको बिर्तामोड नगरपालिका कार्यालयमा आजदेखि सरसफाइ सुरु गरिएको छ। नगरका जनप्रतिनिधि र कर्मचारीले संयुक्तरूपमा सरसफाइ थालेका हुन्।
.gif)
नगरपालिकाको तीन भवनमध्ये दुई भवनमा आगजनीबाट क्षति पुगेको छ। पुरानो गाविस भवन, नगरपालिका बनेपछि प्रयोगमा आएको नयाँ भवन र गत महिनामात्रै निर्माण गरिएको भवनमा क्षति पुगेको थियो। आगजनीबाट भवनभित्र रहेका कागजात, फर्निचर, विभिन्न विद्युतीय उपकरणलगायत सामान नष्ट भएका छन्।
.gif)
.gif)
नगरपालिकाका उपप्रमुख एवं न्यायिक समितिका संयोजक नगेन्द्रकुमार संग्रौलाले प्रारम्भिक अनुमान अनुसार करिब पाँच करोड रूपैयाँको क्षति भएको जानकारी दिए। भवनसँगै कागजात जलेर नष्ट भएपछि सेवाप्रवाहमा कठिनाइ भएको बताए।
सेवा पुनः सुरु गर्ने तयारी गरिरहेको प्रमुख प्रशासकीय अधिकृत सागर मिश्रले बताए। नगरपालिकाले क्षतिको विवरण संकलन गर्न थालेको छ। तत्काल सेवा सञ्चालनका लागि आवश्यक सहयोग गर्न प्रदेश तथा संघीय सरकारसँग आग्रह गरेको छ। रासस
