तीन सातापछि ताप्लेजुङमा हवाई उडान

बिजनेस न्युज

सोमबार, असार २३ २०८२

हाल साताको सोमबार र शुक्रबार दुईदिन काठमाडौं-ताप्लेजुङ-काठमाडौंका लागि हवाई उडानको तालिका रहेको छ।

ताप्लेजुङ- ताप्लेजुङमा तीन सातापछि हवाई उडान भएको छ। खराब मौसमका कारण गएको जेठ ३० गतेदेखि ताप्लेजुङमा उडान ठप्प थियो।

नेपाल एयरलाइन्सको जहाजले आज काठमाडौंबाट चार यात्रु बोकेर आएको थियो भने ताप्लेजुङबाट सोही विमानमा पाँच यात्रु काठमाडौं प्रस्थान गरेका छन्।

मौसमकै कारण असारयता ६ वटा उडान प्रभावित भएका नेपाल वायुसेवा निगम ताप्लेजुङका स्टेसन इन्चार्ज नारायणकुमार कार्कीले जानकारी दिए। बर्खायाम सुरु भएसँगै प्रतिकूल मौसमका कारण उडान प्रभावित हुँदै आएका उनले बताए।