नेपाल टेलिकमको बिलिङमा भ्रष्टाचार, प्रबन्ध निर्देशकसहित १८ जनाविरुद्ध मुद्दा

बिजनेस न्युज

आइतबार, जेठ २५ २०८२

नेपाल टेलिकमको बिलिङमा भ्रष्टाचार, प्रबन्ध निर्देशकसहित १८ जनाविरुद्ध मुद्दा

नियमविपरीत बिलिङ प्रणालीको थप सम्झौता गरिएको लगायतका काम गर्दै संस्थालाई क्षति पुर्‍याएको भन्दै अख्तियारले वर्तमान प्रबन्ध निर्देशक संगीता पहाडी, निवर्तमान प्रबन्ध निर्देशक सुनिल पौडेल लगायत १८ जनाविरुद्ध अख्तियारले मुद्दा दायर गरेको हो।

काठमाडौं- नेपाल टेलिकमको बिलिङ प्रणालीका सम्बन्धमा भ्रष्टाचार भएको भन्दै अख्तियार दुरुपयोग अनुसन्धान आयोगले विशेष अदालतमा भ्रष्टाचारको मुद्दा दर्ता गरेको छ।

नियमविपरीत बिलिङ प्रणालीको थप सम्झौता गरिएको लगायतका काम गर्दै संस्थालाई क्षति पुर्‍याएको भन्दै अख्तियारले वर्तमान प्रबन्ध निर्देशक संगीता पहाडी, निवर्तमान प्रबन्ध निर्देशक सुनिल पौडेललगायत १८ जनाविरुद्ध मुद्दा दायर गरेको हो।

अख्तियारले यसअघि नै दिएको निर्देशनविपरीत गएर टेलिकमले एसिया इन्फोसँग वार्षिक मर्मतसम्भार सम्झौता गरेको थियो। कुनै पनि वार्षिक सम्झौता चार वर्षका लागि गरिएको मात्र होइन लागत बढाएर थप सम्झौता गरिएको थियो।