काठमाडौं- उतारचढावबीच लगातार घटिरहेको सेयर बजार यो साताको दोस्रो कारोबारमा पनि ओरालोतर्फै लागेको छ।

सोमबार बजार ९.९८ अंकले घटेर २६१०.४० बिन्दुमा पुग्दा ७ अर्ब ६३ करोड ४१ लाख ९३ हजार रूपैयाँको कारोबार भएको छ। आज ८६ कम्पनीको सेयर मूल्य बढ्दा १५९ कम्पनीको सेयर मूल्य घटेको छ भने एउटा कम्पनीको सेयर मूल्यमा परिवर्तन आएको छैन।

यो साता पहिलो कारोबार दिन आइतबार बजार ३.३४ अंकले घटेर २,६२०.३९ बिन्दुमा झरेको थियो। आइतबार ९ अर्ब २४ करोड रूपैयाँको कारोबार भएकोमा सोमबार कारोबार रकममा पनि गिरावट आएको हो।

लगानीकर्ता विश्वस्त हुन नसक्दा सेयर बजार उतारचढावबीच निरन्तर ओरालोतर्फ नै लागिरहेको छ। पर्ख र हेरको सोचमा रहेका लगानीकर्ताहरूले बजारको स्थायी सुधारका लागि राजनीतिक र नीतिगत स्थिरता चाहने विश्लेषकहरू बताउँछन्।