काठमाडौं- केई अटोमोबाइलको नेपालका लागि आधिकारिक बिक्रेता जीओ अटोमोबाइल्स र लक्ष्मी ईमोबिलिटीले संयुक्त रुपमा ‘मोस्ट प्रोमिसिङ पार्टनर’ अवार्ड जितेका छन्। 

चीनमा भएको केई अटो ग्लोबल बिजनेस कन्फ्रेन्स २०२५ मा विश्वभरका सवारी बिक्रेताहरुमध्येबाट लक्ष्मी ईमोबिलिटी र जीओ अटोमोबाइल्सले उक्त अवार्ड जितेका हुन्। 

केई अटोको ५० क्षेत्रीय वितरकहरुमध्येबाट जीओ अटोमोबाइल्स र लक्ष्मी ईमोबिलिटीले गएको वर्ष उत्कृष्ट पर्फमेन्स गरेका थिए। सोही आधारमा नेपालका दुई कम्पनीले ‘मोस्ट प्रोमिसिङ पार्टनर’ अवार्ड जित्न सफल भएका हुन्। 

केई अटोले उक्त कार्यक्रमलाई इन्टरनेसनल कोल्याबोरेसन, रणनीतिक नेटवर्किङ र उत्साहपूर्ण ग्लोबल साझेदारीलाई प्राथमिकतामा राखेर गरेको जनाएको छ।

केई अटोले गरेको उक्त सम्मानबाट नेपाली बजारमा लक्ष्मी ईमोबिलिटी र जीओ अटोमोबाइल्सले गरेको कार्यको प्रशंसा भएको दुवै कम्पनीको भनाइ छ। केईका विद्युतीय कार नेपाली उपभोक्तामाझ लोकप्रिय हुँदै गएको र उपभोक्ताको सन्तुष्टिमा जीओ अटोमोबाइल्स र लक्ष्मी ईमोबिलिटीले महत्वपूण भूमिका खेलेको कम्पनीको भनाइ छ। 

योसँगै केईले उत्पादन गरेको सवारीको लाइनअप अब नेपाली बजारमा उपलब्ध गराउने तयारी लक्ष्मी ईमोबिलिटी र जीओ अटोमोबाइल्सले गरेका छन्। हाल नेपाली बजारमा केईका एक्सथ्री प्रो, इक्युट टु र इक्युट फोर उपलब्ध रहेका छन्।