.jpg)
.gif)
.gif)
काठमाडौं- भारतले रातको समयमा पनि पाँच घण्टा विद्युत दिने थालेसँगै उद्योगमा पनि २४ सै घण्टा विद्युत आपूर्ति सुरू भएको छ।
.gif)
इण्डियन इनर्जी एक्सजेञ्जबाट रातको समयमा थप ६ सय मेगावाट विद्युत दिन सुरुवातसँगै उद्योगमा जारी १२ घन्टाको लोडसेडिङ बिहीबार राति देखिनै हटेको छ। बिहीबार देखिनै भारतले बिजुली दिन थालेपनि शुक्रबार उद्योगमा नेपाल विद्युत प्राधिकरणले सूचना पठाउँदै साँझ बेलुका ५ देखि ११ बजेसम्म भने धेरै लोड नपर्ने लाइट मात्रै प्रयोग गर्न र अन्य समयमा पूर्ण रुपमा बिजुली चलाउन सबै उद्योगमा सूचना पठाइएको छ।
.gif)
.gif)
ऊर्जा, जलस्रोत तथा सिँचाइमन्त्री दीपक खड्का एवं परराष्ट्रमन्त्री डा. आरजु राणाको कूटनीतिक पहलमा भारतले थप ५ घण्टा विद्युत दिने सहमति जनाएको थियो। थप ६ सय मेगावाट विद्युत आएसँगै अब उद्योगमा पनि लोडसेडिङ कम गर्न सकिने जनाइएको छ।
ऊर्जा मन्त्रालयका अनुसार सोलार आवर बाहेक राति ११ बजेदेखि ४ बजेसम्म अब आवश्यक ६ सय मेगावाट बिजुली पठाउने सहमति भारतले गरेको थियो।
रातको समयमा बिजुली आउँदा पिक आवरलाई राहत हुनेछ। राति पिकिङ प्लान्टमा पानी जम्मा गरेर पिक आवरमा बिजुली निकालेर उद्योग र घरमा लोडसेडिङ हुन नदिने तयारी प्राधिकरणको छ।
उक्त विद्युत ढल्केवर-मुजफ्फरपुर प्रसारण लाइनबाट नेपालमा आउने भएको छ। हाल भारतले जुन ३० सम्मका लागि इण्डियन इनर्जी एक्सचेञ्जबाटसोलार आवरमा १ हजार ४ मेगावाट विद्युत विद्युत उपलब्ध गराउँदै आएको थियो।
नेपाल विद्युत प्राधिकरणमा नयाँ कार्यकारी निर्देशक हितेन्द्रदेव शाक्यको नियुक्तिसँगै लोडसेडिङ हुने हल्ला चलेको थियो। तर भारत सरकारले हाल उपलब्ध गराउँदै आएको विद्युतका अतिरिक्त ६ सय मेगावाट विद्युत दिने स्वीकृति प्रदान गरेसँगै उद्योगमा जारी १२ घन्टाको लोडेसेडिङ पनि हटेको छ।
