.jpg)
.gif)
.gif)
काठमाडौं- चालु आर्थिक वर्ष २०८१/०८२ को पहिलो पहिना साउनमै गत आवको सोही अवधिको तुलनामा विद्युतीय सवारीको आयात बढेको छ। चालु आवको साउन महिनामै ३ सय ८१ वटा विद्युतीय सवारी नेपाल भित्रिएका छन्।
.gif)
यो संख्या गत आव २०८०/०८१ को साउन महिनाको तुलनामा २ सय ७१ ले बढी हो। गत आवको पहिलो महिना साउनमा १ सय १० वटा विद्यतुीय सवारी नेपाल भित्रिएका थिए।
.gif)
.gif)
भन्सार विभागले सार्वजनिक गरेको तथ्यांकअनुसार साउन महिनामा ९० करोड रुपैयाँ बराबरको विद्युतीय कार/जिप/भ्यान नेपाल भित्रिएका छन्।
उक्त सवारी नेपाल भित्रिँदा सरकारले ५२ करोड १८ लाख रुपैयाँबराबरको राजस्व संकलन गरेको छ। गत आवको साउन महिनामा ३४ करोड रुपैयाँ बराबरका विद्युतीय कार नेपाल भित्रिएका थिए भने सरकारले १८ करोड २३ लाख रुपैयाँ राजस्व संकलन गरेको थियो।
चालु आवको साउनमा ५० किलोवाटसम्ममा १ सय १६ वटा र ५१ देखि १०० किलोवाटसम्ममा २ सय १६ वटा विद्युतीय कार/जिप/भ्यान नेपाल भित्रिएका छन्।
यसैगरी १०१ देखि २०० किलोवाटसम्ममा १, २०१ देखि ३०० किलोवाटसम्ममा २ र ३०१ माथिका एउटा विद्ययुती सवारी नेपाल भित्रिएको विभागले जनाएको छ।
