काठमाडौं- अर्थमन्त्री जनार्दन शर्माले ब्याजदरलाई बजारमा छोड्ने कि नियन्त्रण गर्ने भनेर निजी क्षेत्रले नै राय दिन आग्रह गरेका छन्।

नेपाल उद्योग वाणिज्य महासंघले आयोजना गरेको नव उत्थान सम्मेलनमा बोल्दै शर्मालेले बैंकमा तरलता देखिएको र यसले ब्याजदर बढ्ने जोखिमप्रति सरकार सचेत रहेको बताए। 

एकातिर ब्याजदर नियन्त्रण गर्नुपर्छ भन्ने र अर्कोतिर ब्याजदरलाई बजारमा छोड्नुपर्छ भन्ने कुरा निजी क्षेत्रबाटै आएकाले एकमुष्ट राय दिन उनले आग्रह गरेका छन्।

'ब्याजदरलाई बजारमै छोड्नुपर्छ भन्ने जबरजस्थ तर्क छ। अर्क‍ोतिर नियामकले नियन्त्रण गर्नुपर्छ भन्ने पनि छ। गर्ने के हो? तपाईहरु आफै बैंकर पनि हुनुहुन्छ। उद्योगी पनि हुनुहुन्छ। तपाईहरुले यसमा आफ्नो राय दिनुहोस' उनले भने।